為求查出真相，我用尽情报科好友嘅关系，终於比我查到比较实质嘅资料，卓告细佬嘅file确实存在，佢有冇做过卧底就吾容易查到，但卓晧讲之后发生嘅事就完全吻合，证明佢冇唉我。查完卓晧当然就系阿头peter，情报科当然吾会有佢嘅file，我只好向d旧同事打探：佢都好肋，好后生就考到督察，之后就平步清云，破过好多大case，好多高层睇好佢，四十出头就做到呢个位都算系少数，吾怪得卓晧果单野咁大鑊都可以收得咁密，一定系有好多高层保住佢。佢咁成功嘅原因有两个版本，有d人话系佢自己本事，呢点我都认同，佢做起野离又真系好好；但又有d人有另一个睇法：原来佢一考到督察冇耐就结左婚，一年都未够就生左个仔，好多人话佢系奉子成婚，咁呢个年代又吾系羊大件事，不过原来佢老婆系警队高层嘅一个独女就好多人都吾知，上次佢升级，佢就摆左几围请晒好多高层同我的班散仔贺佢，果次我都见过佢老婆同佢个仔，话时话佢个仔而家都已经大学毕左业做紧野啦。我的好多伙记都好羡慕佢，四十出头，又娶左个高层嘅女做老婆，上面有人射住，真系随时做到署长一哥都有可能。又有个咁大嘅仔，上次见过佢又高大又靚仔，peter都已经好好，佢就更加青出於蓝，女同事见到佢都晕晒大浪，个个都话吾介意姐弟恋，搞到我都望多佢几眼，又确实系几正...都未止，佢会考好似话吾知有几多个a，读书果时又系香港游泳代表队，去过亚运参赛，响科技大学读工商管理一级荣誉毕业，总之真系羊好野都系有佢份。但一同佢倾过偈后，
第137页
你就一定会对佢改观，可能先天条件优厚，加上万千宠爱在一身，佢对人嘅态度就一d都吾似佢老竇咁低调同谦虚，对住d高层都重还可以必恭必敬，但系对我的一班散仔就简直系目中无人，甚至可以话系嚣张添，我的个个都话第日如果佢做左我的阿头就惨啦，好在佢毕业后冇去当差，而家响一间跨国金融机构度做紧野，...其实peter平时都好少讲佢自己野比我的知，有关佢老婆嘅，佢紧系吾想比人觉得佢系靠佢老婆上位；有关佢个仔嘅，听讲话佢都吾系好生性，虽然冇话偷唉拐骗，但系就持住有个做高级督察嘅老竇成日虾虾霸霸，女朋友又成大班，间吾中又会搞到d麻烦野出离，要麻烦peter帮佢解围，呢d野peter就更加吾想比人知。所有呢d料都系我周围问人先知，最后我有一个结论：个天真系吾公平：我试过偷偷去睇吓响社区中心做活动助理嘅阿don（卓晧嘅细佬），望上去都系一表人材，高大有型，带少少孩子脸，同卓晧有几分相似，但一睇见佢做起野上离就吾多妥，行动同语言反应都有d迟钝，手脚协调吾灵活，见佢行行吓都会kick到，又经常要去厕所，上次重比我见到佢同事当佢狗咁闹，话佢低能白痴，阻住个地球转，佢就只系企响度傻笑，之后又见到佢自己一个人走去后巷度喊，我真系睇见都心痛；点解咁多好野都集中响peter身上，但佢背后又做埋d咁阴质嘅野，搞到阿don而家咁样，仲要纵容个仔嘅恶行，我决心要替天行道...唉！！
第138页
伤心太平洋自从上次响荒岛见过卓晧后，佢都有成个礼拜冇搵我，又冇留联络比我，我想搵佢都搵吾到，直到今日收工后又收到一个冇来电显示嘅短讯，内容系：「曼联赢波搞庆功，一大班人去返上次果度。」好在我同卓晧以前都吾系有好多机会相处，一齐去过嘅的方吾多，吾系就惨啦，一定要估餐死，重吾知会吾会估错添。今次我都好肯定卓晧系约我去我的警校结业礼前一晚成班同学一齐去果间卡啦ok，我重记得果晚就系我听到传言话：「卓晧未去三日两夜之前已经知道佢如果最后呢个比赛输左比我，佢就会攞吾到个银鸡奖，所以就用苦肉计，响最后果日扮脚伤，等我同佢都一齐完成吾到任务，最后攞到银鸡奖嘅就会系佢。」呢个传言系真系假都吾再重要，亦都冇必要去求证。呢几日天气急遽转冷，而家收工就得返果十零度，重有少少雨同好大风，收到卓晧嘅短讯，唯有将locker里面嘅衫著晒上身就出发。都系指定动作：先熄电话除埋电，再用左一个好迂迴曲折嘅方法去到目的地。今日吾系假期，加上吾系繁忙时段，果间卡啦ok又吾系响最旺嘅地区，所以客人吾多，侍应就更加少。上次我的选择呢度都系贪佢够静，吾系咁多人，留一间超大嘅房可以容纳晒我的成班同学。去到之后接待话冇客人定左房但未到，咁即系卓晧应该未到，我就叫侍应安排左一间响走廊尾最偏僻嘅一间细房比我，行过走廊，见到客人真系吾多，吾怪得卓晧拣呢度！
分卷阅读66
肉文屋/
分卷阅读66
分卷阅读66